咁點呢？即係首先男主角要係黑人，跟住要出兩對CP 同大家HeHe同SheShe，之後女主角分手之後突然間覺醒，由明星變成州長從政，好似亞諾舒華辛力加咁，臨尾仲要學戴卓爾夫人講句The lady's not for turning，但仲未夠政治正確架，大佬，分手嗰餐飯焗咩雞？殺生呀，有冇尊重佛教？入場睇La La Land的和尚會覺得好不安吧？素食主義者也該要出來抗議啊。
另外，女主角啲首飾，全部都有鑽石，血鑽的問題邊個理？入面啲明星著的皮草，有冇關注過動物權益？仲有呀，講到女主角在cafe打工好似好霉咁，starsucks工會駛唔駛發聲明譴責？
最後，我想講，邊個LGBT團體咁L有腦話套戲冇同志角色？係呀，Gay要Gay到出面嘅？其實同志就係咁普通咁平凡，唔需要你去highlight。駛唔駛安排一個著瑩光粉紅緊身衫的男人用蘭花拂穴手掃結他再同男主角Hehe一番？等一下，套戲好似都冇亞洲人有主要角色wo... 咁政治正確一點，同時符合識音樂又會Hehe的角色，一定係「東方不敗」了，一諗起Ryan Gosling 同魯振順一面hehe一面唱Jazz版的《滄海一聲笑》，嘩，_你，正呀喂！
Come on, James... 周街都係同志，但冇幾多個真係需要同你Gay到出面，陣間人地Gay到出面就話人地標籤妖魔化你，咁你班四方菊想點呀？
當一切都要政治正確，還有空間留給電影與藝術嗎？既是夢裡人，就別拿太多現實的框架去約束了。說現實嗎？簡單一句：現實生活裡，我條仔如果好似Ryan Gosling 咁有型，我真係雷劈都唔會分手，唔好話陪你去巡迴演出，我陪你去冥王星都仲得，你冇錢唔緊要，我賣腎都會養你，我冇腎is ok，最緊要你好腰好腎就沒問題了。
#婊力四射
#為仔死為仔亡
#說好的矜持呢
#我的志願
Search